Ötən gün basketbol üzrə kişilərdən ibarət komandalar arasında Azərbaycan kubokuna bir yekun vurulub. Turnirin həlledici oyunu Bakının “Sərhədçi” idman kompleksində keçirilib.
Kubokun finalında Bakının NTD və Gəncə komandaları üz-üzə gəlib. Dramatik qarşılaşmanın əsas vaxtı 85:85 hesablı heç-heçə ilə başa çatıb. Əlavə vaxtda Gəncə basketbolçuları daha güclü olub – 100:89.
Qeyd edək ki, basketbol üzrə Azərbaycan Kuboku böyük bir fasilədən sonra yenidən keçirilib. Kubok yarışları sonuncu dəfə 2000-ci illərin əvvəllərində keçirilmişdir.
Xatırladaq ki, VTB (Azərbaycan) Azərbaycan Basketbol Liqasının rəsmi tərəfdaşıdır.
Leave your FIN code and mobile number and we will call back to you